戀愛很簡單

戀愛很簡單...只是...人太複雜...

Published with Blogger-droid v1.6.5

冷衫

今朝依然秋涼，等左15分鐘都未有小巴，最後上左一架巴士，旁邊坐左一個穿校服既少女。佢一坐定就從不織袋攞左兩支好粗既冷針出黎織織織...織織織。
回想以前，織著冷衫既少女總是俾人一種像小天使既感覺，令我這程巴士都感到溫暖。

戀愛是什麼?

戀愛是什麼?
戀愛會在當你享受單身的時候悄悄走近...
戀愛是什麼?
戀愛會在當你習慣共處的時候離你而去...

七月多事幹

哩個七月特別多事幹, 首先係七一大遊行, 之後係玩4日風帆, 再之後就係香港既日偏蝕, 仲有書展添.
其實六月初我就已經開始諗點樣整七一banner. 本來想整一個方形立體有四面可以寫標語既banner. 仲叫Amanda喺廠send左d 發泡膠同紙箱落黎添. 但係最後都係揀左最普通既舉紙牌. "愛自由, 一人一票選特首; 要經濟, 一人一票選賢能" 就係我想要講既野.FB裡面仲有D相



之後果個禮拜就玩風帆, 其實係再上一次風帆level 2課程, 雖然上一次都已經pass左, 但係因為租唔倒船, 唯有報班上多次啦. 今次班裡面有兩張面孔係之前見過既, 一個係一齊上level 1 既15歲o靚妹, 另一個係上次一齊上level 2既阿旦. 課程係6個人一班上4日課, 到左第3日只係剩番我地3個. 個o靚妹本身已經成日賽船, 佢只係想補番張cert. 而我又已經有level 2 既cert. 第3日3個人一隻13, 而第4日就開多隻pico玩, 唔駛咁迫, 基本上果兩日都玩得好hea. 攞左阿旦電話, 希望之後可以約哩一齊儲鐘啦.
今日係世紀日蝕既日子, 香港可以睇倒大既日偏蝕, 3/4太陽會俾月亮姐姐食左. 我就用左阿milk既X光片, 雙筒鏡, 普通鏡頭canon 350D 同 sony DV 影低左日偏蝕.

唐英年無恥

唐英年無恥! 六四係一件國際關注既大事, 死人嫁! 維園晚會年年最少都有幾萬人, 咩野叫個別事件唔評論?! 個樣仲要得得戚戚笑笑口咁(tvb news 2009-06-05)!! 唐英年好厚顏無恥!! 偽君子! 支持就一句, 唔支持又係一句, 作為高官對大是大非毫無立場, 有咩唔可以對7百萬香港人講呀? 唔該d高官唔好迴避, 正面回應!
無恥既唐英年, 佢既回應, 佢既果種嘴臉, 看在眼裡真係令人很酸, 佢既態度類似於得悉911既中國記者在笑一樣, 傷透左關心六四人士既感情, 我唔希望香港俾哩種偽君子管治.