唔通真係無晒貨？

尋晚公司係大康搞左個聖誕燒烤，下咒已經係門口既空地放晒台凳同爐。

d大陸同事透爐鍾意透到好大火，佢地覺得要將個爐透到好似示威燒車軚咁樣至算起左個爐。

合照：
後排 - 盧巧玲、宋曉霞(唔同組；攝石人？)
前排 - 細佬我、易涵冰、李添金

我食左好少野咋，之後都剩係掛住飲酒。咁就PK啦，飲左果幾支就「奶」野。坐左係道唔識郁，仲湯左幾次添。
後來都唔知幾點終於有車返宿舍，有邊個一齊同邊個司機都唔知，剩係記得架車搖來搖去，仆街，好想嘔。我好記得Eric要Kelvin 幫手hold住我，唔好比我搖黎搖去，otherwise好易又湯。呼~好彩咋，終於頂到落車。Kelvin同Eric一路扶我到宿舍，好感動啊，你地無掉抵我係公司或者係街。
今朝瞓醒發現瞓左係Samuel房，好彩衫褲都齊無比人影相。6點幾，個頭同個肚都仲ring ring地。呆左一陣拿拿林走去沖涼。直到依家就黎食晏個頭都仲係道long下long下咁。好想熄電腦瞓番陣。
我真係覺得身體越來越差，酒量淺左回復又慢，唔通三十歲d貨就派晒？無咁快呀馬？！