真係幾生外

今日晏晝同班香港同事喺飯堂食晏，咁食完就坐喺道吹吓水。忽然食完飯既阿Zen望倒我，「喂，終於見到你」，「喔，好耐無見」，之後佢繼續之前同第二個人既對話。「乜你地咁生外家」「好似第一次見咁呀」「你地不如自我介紹吓先啦」d 同事都借勢起哄一下。
係呀，其實我都發現左好耐，共事左三年半都唔知點解仲係咁生外。我自懂性以黎都未試過同一個成日見既人相處左三年半都搵唔倒半點共通既話題。好似之前喺SAE同Edward咁，雖然依家無咩聯絡，但係仲係一齊做野既時候我地都有傾有講閒話家常，仲上過佢屋企食飯添。
一般都認為阿Zen個人都比較健談又易相處，我諗黎諗去都覺得問題應該係出喺我自己道，可能係我太文靜又內歛、唔上進又懶過西、職位低又大支野瓜。