政府今次真係自己掘個窿俾自己踩

我無收聽過民間電台，唔多知佢地會喺節目講乜野，我諗都係d關於民主自由雙普選既野掛。
我剩係知道哩個星期二游德康法官裁決電訊條例違憲，但果日律政司要求暫緩執行裁決，搞到佢裁定違憲既電訊條例仍然有效，所以無出現法律真空。仲低能既係政府要求法庭頒發禁制令禁止民間電台廣播，我唔係好清楚電訊條例，唔多知違反左佢要罰幾多錢，但係唔理禁制令就一定係藐視法庭刑事罪。咁講法政府咁樣做的目的只有一個，就係以更高壓既手段去壓止民間電台，「你再播就要坐監！」
最得意既係法庭接納既理由係「如果容許無牌廣播，會有其他人效法，令到通訊電波大亂」。低能！佢既理由等同於「如果有人無端端走左上架車，亂咁揸令到交通大亂，危害市民安全，所以要禁止一般既人揸車」一樣。哩d假設既「理由」邊係理由黎家！而且民間電台都唔係第一日播啦，兩年幾以黎當局都未收過投訴睇唔倒繼續播會即刻死人霖樓war，咁又有咩必要用咁強硬既手段呢？
一班唔怕死既人去進行公民抗命，又點會怕你拉呀。尋晚就繼續民間電台廣播，仲要有五六個立法會議員一齊去開咪。政府打得越大力，佢地就嗌得越大聲。咁ok啦，政府依家幾時去搵人拉晒佢地去坐花廳先？講左唔做正衰仔。
其實既然都暫緩左個裁決絡，咪大家再四四六六拆掂佢囉。睇報紙講再唔係政府都可以上訴睇吓電訊條例係咪真係違憲家麻。咁依家佢地班人已經藐視左個法庭，犯左刑事罪，如果上訴嘅結果真係違憲嘅話，咁果班人係做緊符合憲法嘅野但係又藐視左個法庭犯左刑事罪，咁到時個法庭嘅聲譽同形象咪又衰到貼地囉！哩d都係政府一手一腳搞出黎，真係自己掘個窿俾自己踩。