洗碗

啱啱洗完碗，越黎越發覺洗碗嘅感覺唔錯，甚至感覺到幸福、睇倒安逸。
唔駛思考嘅勞動，比起呆坐喺sofa更加能夠感覺倒自己嘅存在。感覺倒自己存在，係因為自己能夠喺一洗一刷嘅過程中靜靜咁思考。我思故我在，笛卡兒可能都係喺洗碗嘅時候領略出來。唔...究竟人有無自由意志...唔...
容易得來嘅滿足感，莫過於利用強力嘅清潔劑用自己一雙手將d油污渣滓由碗碟上刷掉，亮麗嘅表面又回復光潔嘅模樣。如果人心都可以咁容易就潔淨，會有多好。
最期待嘅係將膠塞鬆開嘅一刻，所有好嘅唔好嘅野都隨一缸洗碗水被沖到大海去，高潮就係喺小盤嘅漩渦將盡，發出「据」一聲嘅時候，有一種條氣順晒嘅感覺。
到底...我哩d咁嘅渣滓，幾時至可以得到過濾、釋放；我內心嘅煩惱，幾時至可以被時間洪流所沖走。