初試熊仔，有斬獲！

尋晚睇電視道指一開頭升，嚇到我個心卟卟咁跳。如果再升嘅話第二朝一開市恆指咪好快去到隻熊嘅打靶位！雖然只係少少地買得一手，但係都唔想第一次就比人沖左出大海架。好在今朝起身一望，道指收市都係跌幾十點。心諗就算唔賺都唔駛打靶啦。
誰不知一開市恆指即跌500點，正！再望一望隻熊仔，嘩！升左6成！但係唔好咁開心住，現價其實比起我買嘅時候只係升左25%。「都好啦，有幾舊水收，都叫有d斬獲」，依排個市咁鍾意中途轉向，先升後跌或者先跌後升，所以拿拿聲放左佢，費事成日都心掛掛。
中午收市前恆指仲跌緊，跌左七百幾點，隻熊比我賣嘅時候仲大隻左，升左8成！不過算啦，自己又唔可以貼市睇住，要捉最高最低點談何容易~