邊個捐得勁?!

今晚放工搭小巴返屋企嘅時候，車上正播著電台節目(應該係港台or新城,商台DJ嘅質素無咁差)，有兩個男主持正與一班學生談論有關對地震嘅感受。一路聽落去，感覺越黎越唔對路，果兩個所謂主持嘅修詞、用語和語氣完全唔夠班作為一個電台主持，更加唔配合哩個題目。「個天要你死，個地要你死，你地會點諗？」其中一個主持咁樣問。「有個乞衣捐晒佢袋裡面果45蚊，比起果d捐一兩億嘅富豪，你覺得邊個勁d？」，邊個勁d？！咩叫捐得勁d呀？！點解會用哩d咁無meaning嘅形容詞家？平時同朋友閒談ok，但係作為一個電台節目主持，可唔可以用d比較有意思和具體嘅形容詞呀？由其是喺d細路哥面前，可唔可以表現得尊業一d？會唔會用「值得尊敬」之類的修詞比較好呢？所謂「勁d」，是很容易誤導小朋友的，難道A勁d，咁B就係「咋」呢咩？
講完電台主持嘅表現之後，都想講下「邊個勁d」嘅問題。事實上兩位善長都係好有心，不管捐左幾多錢。哩個價值觀係一定要帶給小朋友的。作為行乞的人可以將自己的所有捐出來，是一件無私的奉獻，的而且確是很值得尊敬。但難道一個富翁沒有把他的所有捐出來，就比較唔值得去提倡和尊重嗎？一個行乞的把自己的所有奉獻出來，是因為以他的能力只可以做到哩個地步，如果一個富翁把他的一切捐出來的話，我會覺得佢都係無私和很有心，但係蠢而且無遠見。因為以一個富翁嘅能力，絕對可以用錢黎搵錢，從賺返黎嘅錢當中持續不斷的捐獻，才是他最能發揮其愛心的方法。
公司都有在內部籌集捐款去振災，間唔中都有同事會問我捐左幾多，報紙也會把某某名人的捐款數字登出。有些人會去把捐款數目作比較，但往往集中於單一捐款嘅數字。其實無論振災或扶貧，都係一項長期持續的工作，當自己每逢想起一件悲慘嘅災難曾經發生過、一班活在貧苦之中嘅同胞或饑民正在為活著而掙扎的時候，都捐出十蚊、廿蚊，比起一次性捐出五百或一千蚊，對受助人的幫助來得更大，而且也是自己可以負擔得來的。希望大家哩顆慈悲的愛心能夠延續下去。