小六的回憶

半個月前端午節返紅磡食飯，之前好多次都係去酒樓食晚飯，好耐都無試過阿媽嘅手勢啦，好好食好開心。
唔知幾時，老豆喺一個好舊嘅袋入面搵番一d廿年前嘅野。
























唔知有幾多個人仲會有保存哩d小六學位分配、學生證同准考證。依家嘅我睇番廿年前仲係十一二歲嘅我、記番果時揀中學都係求求其其，真係三歲定八十...哈哈。同我家姐唔同，佢果時揀中學要自己揸晒主意，話老豆老母唔識唔明。但係我呢，就全靠我阿爸阿媽幫我諗幫我揀。So far我都幾喜歡母校，我果然無揀錯...揀比阿爸阿媽幫我揀囉，哈哈。
果時可能我太乖，少比老師罰抄，睇下連自己個名都寫到咁衰。基本上我依家d字都唔會比果時好好多...唉。